चंद्रपूर : चंद्रपूर जिल्ह्यातील पारडी जिल्हा परिषद प्राथमिक शाळेतील विद्यार्थ्यांना अन्नातून विषबाधा झाल्याची घटना समोर आली आहे. दुपारी जेवण करून घरी गेलेल्या विद्यार्थांना उलट्या आणि जुलाबाच्या तक्रारी सुरू झाल्या.यातील सुमारे 80 विद्यार्थी आणि जेवण बनवणाऱ्या महिलेला रुग्णालयात दाखल करण्यात आले आहे. विषबाधा झालेल्या विद्यार्थ्यांच्या संख्येत वाढ होण्याची शक्यता वर्तविण्यात येत आहे.
विद्यार्थी घरी आल्यानंतर त्यांना रात्री अस्वस्थ वाटू लागले आणि उलट्या होऊ लागल्या. पालकांनी त्यांना खासगी रुग्णालयात दाखल केले. मात्र तोच क्रम गुरुवारी पुन्हा सुरू झाला. पालकांनी विद्यार्थ्यांना सावली येथील ग्रामीण रुग्णालयात दाखल केले. माध्यान्ह भोजनातील जेवणामुळे हा प्रकार घडला असावा, अशी भीती व्यक्त होत आहे. शाळेतील 126 माध्यान्ह भोजन केले होते. 80 विद्यार्थ्यांची प्रकृती खालावली असल्याचे सांगण्यात येत आहे. यासोबतच शाळेत जेवण बनवणाऱ्या महिलेलाही विषबाधा झाली. या सर्वांवर उपचार सुरू आहेत. या घटनेने परिसरात खळबळ उडाली आहे.
Gold Rate
Friday 28 March 2025
