नागपूर : यशवंतपूर- दिल्ली सराय रोहिला दुरांतो एक्स्प्रेसला नागपुरातही थांबा देण्याचा निर्णय घेण्यात आला आहे. दिल्ली-नागपूरसाठी लवकरच दुरांतो एक्सप्रेस धावणार असल्याने प्रवाशांना मोठा दिलासा मिळाला आहे.
नागपूर आणि दिल्ली दरम्यान एकही थांबा नाही. हे लक्षात घेता बहुतांश गाड्या नागपूर मार्गे धावतात. तामिळनाडू, केरळ, तेलंगणा, आंध्र प्रदेश, जीटी, राजधानी एक्सप्रेस आदी गाड्या येथून जातात. आता आणखी एक गाडी मिळणार आहे.
Gold Rate
Friday 28 March 2025
त्यानुसार, आता २६ ऑगस्टपासून सुटणारी गाडी क्रमांक १२२१३ यशवंतपूर – दिल्ली सराय रोहिला दुरंतो एक्स्प्रेस दुपारी ४:१५ वाजता नागपूर स्थानकावर पोहोचेल. त्यानंतर ५ मिनिटांच्या थांब्यानंतर ४:२० वाजता दिल्लीकडे रवाना होईल. दिल्लीहून येणारी गाडी क्रमांक १२२१४ दुपारी १:२५ ला नागपूर स्थानकात येईल आणि १:३० वाजता यशवंतपूरकडे रवाना होणार असल्याची माहिती रेल्वे प्रशासनाने दिली.
