नागपूर : खांद्याला दुखापत झाल्याने कामठी नागपूर रोडवरील आशा हॉस्पिटलमध्ये दाखल 32 वर्षीय बादल सुंदरलाल पाटील याचा मृत्यू झाला.
माहितीनुसार, कन्हान येथील संजीवनी नगर येथील रहिवासी असलेले बादल हे गोंदियास्थित श्री कृष्णा डायग्नोसिस अँड सीटी स्कॅन सेंटरचे कर्मचारी आहेत. 7 नोव्हेंबर रोजी रात्री पडून त्यांच्या खांद्याला दुखापत झाली.8 नोव्हेंबर रोजी त्याला कन्हान येथे आणण्यात आले . कुटुंबाच्या सूचनेनुसार, 9 नोव्हेंबर रोजी आशा हॉस्पिटलमध्ये त्याला दाखल करण्यात आले. डॉक्टरांनी 11 नोव्हेंबर रोजी त्याच्यावर शस्त्रक्रिया केली. यानंतर त्याची प्रकृती खालावली, त्यामुळे 12 नोव्हेंबर रोजी डॉक्टरांनी त्यांना मृत घोषित केले.
Gold Rate
Monday 31March 2025
युवकाच्या मृत्यूनंतर त्याच्या नातेवाईकांनी संताप व्यक्त केला. वैतागलेल्या कुटुंबीयांनी डॉक्टरांकडून स्पष्टीकरण मागितले. मात्र डॉक्टरांनी दिलेल्या कारणांनंतर कुटूंबियांनी हॉस्पिटलमध्येच राडा घातला. यानंतर अशा हॉस्पिटलच्या डॉक्टरांविरोधात न्यू कामठी टी पोलिस स्टेशनमध्ये तक्रार दाखल केली. तसेच त्यांनी हॉस्पिटलच्या डॉक्टरांवर कठोर कारवाई करण्याची मागणी केली.
नागपूर टुडेशी बोलताना वरिष्ठ पोलिस निरीक्षक प्रमोद पोरे यांनी सांगितले की, याप्रकरणाची त्यांच्याकडे तक्रार आली आहे. मात्र, मृत्यूचे नेमके कारण शवविच्छेदनानंतरच समजू शकेल. यानंतर पुढील कारवाई सुरू होऊ शकते. दोषी आढळल्यास आरोपींवर निश्चितच कठोर कारवाई करण्यात येईल, असे पीआय पोरे यांनी सांगितले.
