नागपूर : राज्याचे उपमुख्यमंत्री आणि गृहमंत्री देवेंद्र फडणवीस यांचे गृहघर असलेल्या नागपूर शहरात गेल्या काही दिवसांपासून गुन्हेगारींच्या घटनांमध्ये वाढ होत आहे. नुकतेच इमामवाड्यात किरकोळ वादातून बापलेकांनी शेजारी राहणाऱ्या युवकाचा चाकूने भोसकून खून केला. ही थरारक घटना बुधवारी रात्री साडेअकरा वाजता जातरोडीत घडली.
महेश विठ्ठल बावणे (२३, जाततरोडी क्र.३, इंदिरानगर) असे खून झालेल्या युवकाचे नाव आहे. तर शेरूदादा ऊर्फ शंकर भोलासिंग राठोड (५२, जाततरोडी क्र.३) आणि रितिक शंकर बावणे (२१) अशी आरोपी बापलेकांची नावे आहेत.नागपूर पोलिसांच्या गुन्हे शाखेच्या युनिट-४ मधील पोलिसांनी बापलेकांना अटक केली आहे.
Gold Rate
Friday 21 Feb. 2025
शुल्लक कारणावरून शेजारी राहणाऱ्या आरोपी बापलेकाने रेल्वेतील एका कर्मचाऱ्याची चाकूने भोसकून हत्या केली. दुर्दैवाची बाब म्हणजे मृतकाच्या पत्नीच्या डोहाळेजेवणाच्या कार्यक्रमातच त्याची हत्या करण्यात आली. या घटनेमुळे परिसरात खळबळ उडाली असून हळहळ व्यक्त करण्यात येत आहे. इमामवाडा पोलीस ठाण्याच्या हद्दीत ही घटना घडली.
दरम्यान राज्याची उपराजधानी असलेल्या नागपुरात २१ दिवसांत १५ खुणांच्या घटना घडल्याने शहरातील कायदा व सुव्यवस्था वाऱ्यावर असल्याचे चित्र दिसत आहे.
