Oplus_131072
नागपूर : शहरातील नंदनवन परिसरात रविवारी रात्री वैयक्तिक वैमनस्यातून गुन्हेगार विकेश जाधव याचा खून करण्यात आला. पडोळे नगर चौकात घडलेल्या या घटनेत चार गुन्हेगारांनी विकेशचे डोके दगडाने ठेचून निर्घृण हत्या केली. याप्रकरणी पोलिसांनी चार आरोपींना अटक केली आहे.निखिल वासनिक, भोला इंगळे, प्रभाकर चौधरी आणि आकाश नागरीकर अशी अटक करण्यात आलेल्या आरोपींची नावे आहेत.
या घटनेनंतर नंदनवन परिसरात तणावाचे वातावरण निर्माण झाले होते. जुन्या वैमनस्यातून ही हत्या झाल्याचे पोलिस तपासात समोर आले आहे. विकेश जाधव आणि निखिल वासनिक यांच्यात बरेच दिवसांपासून वाद सुरु होता. या दोघांविरुद्ध यापूर्वीही खून, हल्ला, दरोडा असे अनेक गुन्हे दाखल आहेत.
जुलै 2021 मध्ये निखिलला एमपीडीए कायद्यांतर्गत अटक करण्यात आली होती, परंतु तुरुंगातून सुटल्यानंतरही तो गुन्हेगारी कारवायांमध्ये सक्रिय होता.
काही दिवसांपूर्वी हिवरीनगर परिसरात विकेश आणि निखिल यांच्यात भांडण झाले होते, त्याबाबत नंदनवन पोलीस ठाण्यात तक्रारही करण्यात आली होती.
Today’s Rate
Friday 22 Nov. 2024
तेव्हापासून निखिल बदला घेण्याच्या विचारात होता. पडोळे नगर झोपडपट्टीत रविवारी पुन्हा दोन गटांमध्ये वाद झालाजिथे निखिल आणि त्याच्या साथीदारांनी विकेशवर हल्ला करून त्याला गंभीर जखमी केले आणि नंतर त्याचे डोके मोठ्या दगडाने ठेचले, परिणामी त्याचा जागीच मृत्यू झाला.
पोलिसांनी तत्परतेने कारवाई करत या हत्येतील चारही आरोपींना अटक केली असून पुढील तपास सुरू केला आहे.
