नागपूर:आज संध्याकाळपासून नागपुरातील सर्व पेट्रोल पंपावर लोकांच्या लांबच लांब रांगा पाहायला मिळाल्या.काही वेळातच ही बातमी शहरभर पसरली. शहरातली जवळ जवळ प्रत्येक पेट्रोल पंपावर रस्त्याच्या बाहेर लांबच लांब रांगा लागल्या होत्या, प्रत्येकाला पुढचे ४ ते ५ दिवस आपल्या गाडीत पेट्रोल किंवा डिझेलचा साठा करायचा होता, यामुळेच प्रत्येकाने आपली गाडी पेट्रोल पंपावर नेली. तिथे जावून आपल्या वाहनात जास्तीत जास्त पेट्रोल भरले. त्यामुळे नागपूर शहरातील प्रत्येक पेट्रोल पंपावर हे दृश्य पाहायला मिळाले.
पेट्रोल पंपावरील गर्दीचे कारण काय?
प्रत्यक्षात देशात लागू झालेल्या नवीन ‘हिट अँड रन’ कायद्याच्या विरोधात वाहतूकदार आणि ट्रकचालक संपावर गेले आहेत. त्यामुळे शहरातील पेट्रोल पंप बंद राहणार असून, त्यामुळे पेट्रोल आणि डिझेलचा तुटवडा जाणवू शकतो.
Gold Rate
Tuesday 28 Jan. 2025
त्यामुळे वाहनचालक पेट्रोल, डिझेल भरण्यासाठी पेट्रोल पंपावर येताना दिसत आहेत. त्यामुळे शहरातील पेट्रोल पंपावर गर्दी दिसून येत आहे.
2023 मध्ये केंद्र सरकारने भारतीय न्यायिक संहितेत सुधारणा केल्यानंतर, नवीन मोटार वाहन कायद्यात अपघातास जबाबदार असलेल्या ट्रक चालकास दहा वर्षांच्या तुरुंगवासाची तरतूद आहे. याशिवाय 7 लाख रुपयांचा दंडही ठोठावण्यात येणार आहे. दरम्यान, या कायद्याचा देशभरातून निषेध होत असून ट्रक आणि टँकर चालकांनी थेट संप पुकारला आहे. अशा परिस्थितीत बीपीसीएल, एचपीसीएल आणि इंडियन ऑईल या तीन कंपन्यांना पेट्रोल आणि डिझेलचा पुरवठा करणाऱ्या टँकर चालकांनीही हा नवा कायदा रद्द करण्याच्या मागणीसाठी तीन दिवसांचा संप पुकारला आहे.
तेल टँकर चालकांचा संपात सहभाग –
तेल टँकर चालकांनी आंदोलनात सहभागी होण्याची घोषणा करताच. पेट्रोल पंपावर पेट्रोल भरणाऱ्यांची गर्दी होती. शहरातील सर्वच पेट्रोल पंपांवर नागरिकांची मोठी गर्दी दिसून आली. ही परिस्थिती केवळ शहरांमध्येच नाही तर ग्रामीण भागातही पेट्रोलमध्ये दिसून येत होती. संपाच्या काळात कोणतीही अडचण येऊ नये म्हणून लोकांनी गाड्यांच्या टाक्या फुल्ल केल्या आहेत.
