नागपूर:सावनेर तालुक्यातील बडेगाव येथील आरंभ ज्युनियर कॉलेजच्या ऑनलाईन प्रस्तावाला मंजुरी देण्यासाठी लाच घेताना शिक्षण उपशिक्षणाधिकारी सुशील बनसोड आणि शिक्षण उपसंचालक कार्यालयातील लिपिक श्री. नेवारे यांना झिरो माईल लाचलुचपत प्रतिबंधक विभागाच्या पथकाने रंगेहात पकडले आहे.
झिरो माईल एसीबीच्या अहवालानुसार, जिल्हा परिषदेतील लिपिक श्री. नेवारे ₹२०,०००, तर उपशिक्षणाधिकारी सुशील बनसोड ₹१५,००० लाच घेताना पकडले गेले. ही रक्कम आरंभ ज्युनियर कॉलेजच्या ऑनलाईन प्रस्तावाला मंजुरी देण्यासाठी मागितली गेल्याचे समोर आले आहे.
Gold Rate
Wednesday 12 March 2025
लाचलुचपत विभागाने गुप्त माहितीच्या आधारे सापळा रचत ही कारवाई केली. जिल्हा परिषदेच्या आवारातच हे अधिकारी लाच घेताना रंगेहात पकडण्यात आले.
या प्रकारामुळे शिक्षण विभागातील भ्रष्टाचार उघडकीस आला असून, शिक्षण व्यवस्थेतील पारदर्शकतेबाबत प्रश्नचिन्ह निर्माण झाले आहे. या प्रकरणी अधिक तपास सुरू आहे.
