-कर्नाटक विधानसभा निवडणुकीचे कल हाती येण्यास सुरुवात झाली आहे.  आतापर्यंत हाती आलेल्या निकालावरून काँग्रेसने 137 जागांवर आघाडी केली आहे. तर भाजपला केवळ 64 जागा मिळाल्या आहेत.  ही  आकडेवारी पाहता बजरंगबलीच्या जोरावर सत्ता पुन्हा मिळवण्याच्या भाजपच्या मनसुब्यांना धक्का बसला. कर्नाटकमाधल्या पराभवाचा 2024 मध्ये भाजपाला मोठा फटका बसणार असा अंदाज व्यक्त करण्यात येत आहे.  भाजपाची कर्नाटकमधील हार भविष्यासाठी डोकेदुखी ठरणार असल्याचे बोलले जात आहे.

कर्नाटक विधानसभेच्या निवडणुकीत काँग्रेस पुन्हा सत्तेत परतत आहे.या निवडणुकीचे राजकीय महत्त्व केवळ कर्नाटकच्या राजकारणापुरते मर्यादित नसून 2024 च्या लोकसभा निवडणुकीच्या दृष्टिकोनातूनही हे महत्त्वाचे मानले जात आहे. अशा स्थितीत कर्नाटकच्या पराभवाने भाजपच्या मिशन-2024 मध्ये   अडचणी निर्माण होऊ शकतात.

Gold Rate

Friday 07March 2025

Gold 24 KT 86,300 /-

Gold 22 KT 80,300 /-

Silver / Kg 97,700 /-

Platinum 44,000 /-

Recommended rate for Nagpur sarafa Making charges minimum 13% and above

2024 च्या लोकसभा निवडणुकीत भाजपने 400 जागा जिंकण्याचे लक्ष्य ठेवले आहे. या दृष्टिकोनातूनही कर्नाटकची निवडणूक भाजपसाठी महत्त्वाची मानली जात होती. अशा स्थितीत कर्नाटकात भाजप सत्तेबाहेर राहिल्याने पक्षाला आपले लक्ष्य गाठणे अवघडच नाही तर अशक्यही होऊ शकते. कर्नाटक निवडणूक ही 2024 ची उपांत्य फेरी मानली जात होती. अशा स्थितीत पक्षाच्या पराभवामुळे भविष्याची चिंता वाढली आहे.

लोकसभा निवडणुकीत कर्नाटकमध्ये भाजपाला कमी जागा मिळणार –

2024 च्या लोकसभा निवडणुकीत कर्नाटकमधील पक्षाच्या जागा कमी होऊ शकतात. 2019 च्या लोकसभा निवडणुकीत, राज्यातील 28 जागांपैकी भाजपने 25 जागा जिंकल्या आणि त्यांच्या समर्थित अपक्ष उमेदवारांनी एक जागा जिंकली तर काँग्रेस-जेडीएसला प्रत्येकी एक जागा मिळाली. अशा स्थितीत 2019 च्या निकालाची पुनरावृत्ती कर्नाटकात भाजपच्या पराभवाने होणे कठीण होऊ शकते आणि काँग्रेसच्या जागा वाढू शकतात. 2024 मध्ये कर्नाटकात भाजपला कमी जागा मिळू शकतात.

पाच राज्यांमध्ये 172 जागा- 

विशेष म्हणजे 2019 च्या लोकसभा निवडणुकीत भाजपने बंगालमध्ये 42 पैकी 18, महाराष्ट्रात 48 पैकी 23, कर्नाटकात 28 पैकी 25, बिहारमध्ये 40 पैकी 17, झारखंडमध्ये 14 पैकी 12 जागा जिंकल्या. पाच राज्यांतील एकूण 172 जागांपैकी भाजपने स्वबळावर 98 जागा जिंकल्या, तर त्यांच्या मित्रपक्षांना 42 जागा मिळाल्या. अशा प्रकारे 172 पैकी 140 जागांवर भाजप आघाडीने विजय मिळवला.

मिशन-साऊथमध्ये भाजपाला धक्का

आंध्र प्रदेश, केरळ, पुद्दुचेरी, तामिळनाडू आणि तेलंगणामध्ये भाजपला अद्यापही  ताकद निर्माण करता आली नाही.  दक्षिणेकडील सहा राज्यांमध्ये लोकसभेच्या 130 जागा आहेत, ज्या एकूण लोकसभेच्या जागांपैकी सुमारे 25 टक्के आहेत. अशा परिस्थितीत दक्षिण भारत राजकीयदृष्ट्याही खूप महत्त्वाचा आहे.

कर्नाटकमध्ये पराभवाचा फटका 

कर्नाटक विधानसभा निवडणुकीत भाजपचा पराभव झाला, तर दक्षिण भारतातून त्याचे पुनरागमन सुरू होऊ शकते. अशा स्थितीत अखिल भारतीय पक्ष असल्याचा दावा करणाऱ्या भाजपलाही कर्नाटकातील पराभवाचा फटका बसू शकतो. भाजपला स्वबळावर दक्षिणेतील राज्यांपैकी केवळ कर्नाटकातच आपली मुळे रोवता आली आहेत. कर्नाटक वगळता दक्षिणेकडील कोणत्याही राज्यात भाजपचा फारसा प्रभाव नाही

Advertisement