Advertisement
नागपूर : नागपूरचे पोलीस आयुक्त रवींद्रकुमार सिंगल यांच्या संकल्पनेतून आज गणेशपेठ पोलीस ठाण्यात रक्तदान शिबिराचे आयोजन करण्यात आले होते. या कार्यक्रमात पोलीस कर्मचारी आणि विविध गणेश मंडळांच्या सदस्यांचा सक्रिय सहभाग दिसून आला.
17 गणेश मंडळ कार्यकर्त्यांसह एकूण 23 पोलीस अधिकारी आणि हवालदारांनी रक्तदान करून समाजोपयोगी उपक्रमात योगदान दिले. सामूहिक प्रयत्नांमुळे 40 युनिट रक्त जमा झाले.
हा उपक्रम पोलिस आणि समुदायाच्या सदस्यांची सामाजिक कल्याणासाठीची बांधिलकी अधोरेखित करतो.तसेच गणेशोत्सवात रक्तदानासारखे समाजोपयोगी उपक्रम पुढे नेण्यासाठी प्रोत्साहित करतो.
Advertisement
दरम्यान वरिष्ठ पोलीस निरीक्षक मच्छींद्र पंडीत यांनी सर्व रक्तदात्यांचे मनः पुर्वक आभार मानले. तसेच गणेशोत्सव आणि ईद मिलाद उन नबी हे दोन्ही सण शांततेतपार पाडण्याचे आवाहन नागरिकांना केले आहे
