नागपूर : नागपूर जिल्ह्यातील खापरखेडा येथे भरदिवसा गोळीबार झाल्याची घटना समोर आली आहे. ज्यामध्ये एकाचा मृत्यू झाला तर दोघे गंभीर जखमी झाले. घटनेची माहिती मिळताच गुन्हे शाखा आणि खापरखेडा पोलीस घटनास्थळी दाखल झाले. जखमींना उपचारासाठी रुग्णालयात दाखल करण्यात आले आहे. पवन धीरज हिरणवार (रा. काचीपुरा, नागपूर) असे मृताचे नाव आहे.मृतक गुन्हेगारी प्रवृत्तीचा असून, त्याच्यावर खुनासह अनेक गुन्हे दाखल आहेत.
जुन्या वैमनस्यातून ही हत्या झाल्याचे प्राथमिक तपासात समोर आले आहे. मागील 15 दिवसांपासून नागपुरात हत्याचे सत्र सुरूच आहे. शहरात दुहेरी हत्याकांडाला २४ तासही उलटले नव्हते की गोळीबारची घटना घडली.
Gold Rate
Friday 28 March 2025
मिळालेल्या माहितीनुसार, काचीपुरा, नागपूर येथील युवक पवन धीरज हिरणवार हा त्याच्या दोन मित्रांसह खापरखेडा पोलीस स्टेशन हद्दीतील बाभूळखेडा परिसरातून कारने जात होता. दरम्यान, पाच ते सहा जण तीन दुचाकीवरून आले आणि त्यांनी कारने गोळीबार सुरू केला. या गोळीबारात पवनचा जागीच मृत्यू झाला, तर अन्य दोन तरुण गंभीर जखमी झाले.
