नागपूर : शहराजवळील बाजारगाव गावातील सोलर एक्सप्लोसिव्ह कंपनीत रविवारी स्फोट झाला आहे. यात नऊ जणांचा मृत्यू झाल्याचे समोर आले आहे. यामध्ये ६ महिला आणि ३ पुरुषांचा समावेश आहे. सोलर एक्सप्लोसिव्ह कंपनीतील कास्ट बूस्टर प्लांटमध्ये पॅकिंगच्या वेळी हा स्फोट झाला आहे. कंपनी व्यस्थापनाच्या चुकीमुळे ही घटना घडल्याचा आरोप काँग्रेस नेते नाना पटोले आणि विजय वडेट्टीवार यांनी केला होता.
कंपनीच्या कामाची निष्पक्ष व नि:पक्ष चौकशी करण्यात यावी व दोषी आढळल्यास संबंधितांवर कडक कारवाई करण्यात यावी. इतकेच नाही तर कंपनी मालकावर 302 चा गुन्हा दाखल करण्याची मागणीही दोन्ही नेत्यांनी उचलून धरली होती. सोलार स्फोटाबाबत उपमुख्यमंत्री देवेंद्र फडणवीस यांनी विधानसभेत सविस्तर माहिती दिली. ते म्हणाले की, नियमानुसार कंपनीविरुद्ध 304 (अ) अंतर्गत गुन्हा दाखल करण्यात आला आहे.
Wenesday Rate
Wed 25 Dec. 2024
फडणवीस म्हणाले की, मृत कर्मचाऱ्यांपैकी आठ जणांची राज्य विम्यामध्ये नोंद आहे, त्यामुळे त्यांना त्यानुसार अनुदान मिळणार आहे. त्यांनी सांगितले की, मृत कर्मचाऱ्यांना त्यांच्या पगाराइतकीच पेन्शन मिळेल. रात्री ९ वाजता ५ जणांचे मृतदेह बाहेर काढण्यात आल्याचे त्यांनी सांगितले. उर्वरित मृतदेह बाहेर काढण्याचे काम सुरू आहे.
या घटनेचे संपूर्ण सीसीटीव्ही फुटेज उपलब्ध असल्याचे फडणवीस यांनी सांगितले. पोलिसांनी निष्काळजीपणामुळे मृत्यूचा गुन्हा दाखल केला आहे. फॉरेन्सिक अहवाल आल्यानंतर सरकार याबाबत निर्णय घेईल.
