नागपूर : पाटलीपूत्र एक्सप्रेसमध्ये मंगळवारी रात्री धक्कादायक घटना घडली आहे. कोच अटेंडन्सने ट्रेनच्या स्वच्छता गृहात चिमुरडीवर अत्याचाराचा प्रयत्न केल्याची संतापजनक घटना समोर आली.
माहितीनुसार, मोहम्मद मुन्ना (वय ५०) असे आरोपीचे नाव आहे. तो गया (बिहार) मधील रहिवासी आहे. गेल्या आठ वर्षांपासून तो रेल्वेत कोच अटेंडन्स म्हणून काम करतो. बेंगलुरू पटना पाटलीपूत्र एक्सप्रेसच्या एसी थ्री टायरमधील बी- २ कोचमध्ये त्याची ड्युटी होती. या कोचमध्ये एक ७५ वर्षीय वृद्धा, तिची विवाहित मुलगी अन् नात (वय ९) तसेच छोटा नातू यांच्यासह प्रवास करीत होती. ही गाडी नागपूरकडे येत असताना बुटीबोरी स्थानकाजवळ ९ वर्षीय मुलगी बाथरूमला जाण्यासाठी निघाली. यावेळी मध्यरात्री १ ते १.३० ची वेळ झाली होती. कोचमधील बहुतांश प्रवासी झोपले होते.
Gold Rate
19 April 2025
मुलगी बाथरूममध्ये जाताच आरोपी मुन्ना दार ढकलून बाथरूममध्ये गेला. दाराची कडी आतून लावून घेतल्यानंतर त्याने मुलीसोबात अश्लील चाळे कारण्यास सुरुवात केली. घाबरलेल्या मुलीने आरडाओरडा सुरु केला. यानंतर आरोपीने घाबरून बाथरूमच्या दाराची कडी उघडली. मुलगी बाहेर आल्यानंतर पळत आपल्या आईकडे गेली आणि घडलेला प्रकार सांगितले. अवघ्या ९ वर्षीय बालिकेवर धावत्या ट्रेनमध्ये बलात्काराचा प्रयत्न झाल्याचे कळाल्याने आरोपीला ट्रेनमधील प्रवाशांनी बेदम मारहाण केली. या घटनेची रेल्वे प्रशासनाला माहिती देण्यात आली.
दरम्यान ठाणेदार मनीषा काशिद यांनी पीडित मुलीला विचारपूस केल्यानंतर तिच्या आईची फिर्याद नोंदवून घेतली. त्यावरून पोक्सो (मुलांचे लैंगिक शोषणापासून संरक्षण कायदा)नुसार गुन्हा दाखल केला. रात्री या प्रकरणात आरोपी मुन्नाला अटक करण्यात आली असून पुढील तपास सुरू केला आहे.
