नागपूर महानगरपालिका करताय मोक्षधाम जवळ आंतरजोडणी
टँकर द्वारे देखील पाणीपुरवठा राहील बाधित
नागपूर महानगरपालिका ह्यांनी ६०० मी मी व्यासाच्या जलवाहिनीला ७०० मी मी व्यासाच्या मेडिकल जलवाहिनीला मोक्षधाम घाट येथे जोडण्याकरिता २४ तासांचे शट डाऊन येत्या २३ फेब्रुवारी (गुरुवारी) ला सकाळी १० ते २४ फेब्रुवारी (शुक्रवारी) सकाळी १० पर्यंत घेण्याचे ठरविले आहे .
Wenesday Rate
Wednesday01 Jan. 2025
पाणीपुरवठा बाधित राहणारे भाग: ह्या २४ तासांच्या मेडिकल मुख्य जलवाहिनीवरील शट डाऊन मुळॆ शासकीय वैद्यकीय महाविद्यालय आणि हॉस्पिटल (मेडिकल कॉलेज ) आणि नजीकचा संपूर्ण परिसर , अजनी रेल्वे आणि नजीकचा संपूर्ण परिसर , साऊथ -ईस्ट -सेंट्रल रेल्वे , टाटा कॅपिटॉल , गणपती अपार्टमेंट , इंदिरा नगर स्लम, जाट तरोडी आणि राजाबाक्षा ह्या भागांचा पाणीपुरवठा संपूर्णपणे बाधित राहणार आहे . पाणीपुरवठा २४ तारखेला दुपारपर्यंत सुरळीत होईल .
ह्या २४ तास शटडाऊन कालावधी दरम्यान आणि नंतर देखील बाधित भागांना टँकरद्वारेही पाणीपुरवठा होऊ शकणार नाही. नागपूर महानगरपालिका व ऑरेंज सिटी वॉटर यांनी ह्या भागातील सर्व नागरिकांना विनंती केली आहे कि त्यांनी परिवाराच्या वापराकरिता …पुरेसा पाणीसाठा करून सहकार्य करावे…
नेहरू नगर झोन आणि लकडगंज झोन चा पाणीपुरवठा बळकट होणार
सक्करदरा १,२ आणि ३ जलकुंभ आता पेंच-४ जलशुद्धीकरण केंद्राशी जोडले
नेहरू नगर झोन आणि लकडगंज झोन मधील पाणीपुरवठा बळकटीकरण करण्याच्या हेतूने नागपूर महानगरपालिका आणि OCW यांनी ४.२ कि मी लांबीची ८०० मी मी व्यासाची मोठी जलवाहिनी शताब्दी चौक (रिंग रोड ) ते सक्करदरा जलकुंभ इथपर्यंत नुकतीच टाकली आहे. ह्या जलवाहिनीद्वारे सक्करदरा जलकुंभ आता गोधनी पेंच-४ ह्या जलशुद्धीकरण केंद्राशी डायरेक्ट जोडले जाणार आहे आणि त्यामुळे सक्करदरा १, २, ३ ह्या जलकुंभ अंतर्गत येणाऱ्या नेहरूनगर झोन मधील आणि लकडगंज झोनमधील वस्त्या ह्यांना अधीकचा १७ दश लक्ष लिटर (१७ MLD) पाणीपुरवठा होणार आहे .
ह्या ४.२ कि मी जलवाहिनीचे अंतर्गत स्वच्छता (Flushing) चे काम देखील नुकतेच पूर्ण झालेले आहे आणि येत्या २३ फेब्रुवारी च्या रात्रीपासून ह्या जलवाहिनीला कार्यान्वित करण्याचे कार्य नागपूर महानगरपालिका आणि OCW ने करण्याचे ठरविले आहे. आतापर्यंत सक्करदरा १, २ आणि ३ हे जलकुंभ कन्हान जलशुद्धीकरण केंद्रावरून पाणीपुरवठा घेत होते, आणि नुकतीच ह्या नवीन जलवाहिनीची आंतरजोडणी करण्यात आलेली आहे ..हे उल्लेखनीय.
ह्या कामामुळे गोधनी पेंच-४ जलशुद्धीकरण केंद्रावर आधारित नागपूर शहरातील इतर जलकुंभांचा.. जसे नारा जलकुंभ, नारी/ जरीपटका जलकुंभ (आशी नगर झोन), धंतोली जलकुंभ (धरमपेठ झोन), लक्ष्मी नगर जलकुंभ (लक्ष्मी नगर झोन), नालंदा नगर, श्री नगर, ओंकार नगर १ आणि २ जलकुंभ , म्हाळगी नगर जलकुंभ (हनुमान नगर झोन), हुडकेश्वर आणि नरसाळा ग्रामीण चा पाणीपुरवठा २३ फेब्रुवारी च्या रात्रीनंतर पुढील काही दिवस थोडा बाधित (कमी दाबाने किंवा मर्यादित) राहण्याची शक्यता आहे . पाणीपुरवठा ५/६ दिवसानंतर त्या ..त्या ..जलकुंभ भागातील वेळापत्रकानुसार सुरळीत होईल.
नागपूर महानगरपालिका व ऑरेंज सिटी वॉटर यांनी ह्या भागातील सर्व नागरिकांना विनंती केली आहे कि त्यांनी पाणीपुरवठा बळकटी करण करण्याच्या ह्या कामादरम्यान सहकार्य करावे..
अधिक माहितीकरिता नागपूर महानगरपालिका -OCW च्या मदत क्रमांक १८००-२६६-९८९९ वर नागरिक केव्हाही संपर्क करू शकतात .
For more information about water supply consumers can contact OCW Helpline No 1800 266 9899.
