File Pic
नागपूर: नागपूर महानगरपालिका व ऑरेंज सिटी वॉटर यांनी इन्स्टिट्यूट ऑफ सायन्स रोड ते मॉरिस कॉलेज टी-पॉइंट येथे ७००मिमीच्या अस्तित्वात असलेल्या लाईनची नवीन लाईनसोबत आंतरजोडणी करण्याचे काम दि. ८ सप्टेंबर २०१७ रोजी हाती घेण्याचे ठरविले आहे.
येथे उल्लेखनीय आहे कि, इन्स्टिट्यूट ऑफ सायन्स रोड ते मॉरिस कॉलेज टी-पॉइंट दरम्यान नवीन पुलाचे बांधकाम करून ७००मिमीची वाहिनी स्थलांतरित करण्यात आली आहे.
आंतरजोडणीचे काम ८ सप्टेंबर, २०१७ रोजी सकाळी ९ वाजता सुरु केले जाईल आणि सुमारे १८ तास म्हणजे ९ सप्टेंबर २०१७ रोजी दुपारी ३ वाजेपर्यंत चालेल.
या दरम्यान खालील जलकुंभांचा/भागांचा पाणीपुरवठा बाधित राहील:
Gold Rate
Thursday 09 Jan. 2025
वंजारी नगर (नवीन) जलकुंभ: वंजारी नगर, कुकडे लेआऊट, कौशल्या नगर, नवा बाभूळखेडा, जोशीवाडी, जुना बाभूळखेडा, वसंत नगर २ विलास नगर.
वंजारी नगर (जुने) जलकुंभ: रघुजी नगर, सोमवारीपेठ, तुकडोजी नगर, पोलीस क्वार्टर्स, आयुर्वेदिक लेआऊट, आयुर्वेदिक कॉलेज, विश्वकर्मा नगर.
हनुमान नगर (बुधवार बाजार) जलकुंभ: हनुमान नगर, चंदन नगर, PTS क्वार्टर्स, महेश कॉलोनी, वकीलपेठ, हजारेवाडी, बुधवार बाजार, प्रोफेसर कॉलोनी, सोमवारी क्वार्टर्स, रेशीमबाग, सिरसपेठ.
रेशीमबाग जलकुंभ: जुनी शुक्रवारी, लभानतांडा, भगत कॉलोनी, महावीर नगर, गणेश नगर, शिव नगर, गायत्री नगर स्लम, ओम नगर, आनंद नगर, सुदामपुरी, नेहरू नगर, जुने नंदनवन.
मनपा-OCW ने नागरिकांना पुरेसे पाणी साठवण्याचे व सहकार्य करण्याचे आवाहन केले आहे.
या दरम्यान टँकरद्वारेही पाणीपुरवठा करणे शक्य होणार नाही ह्याची कृपया नोंद घ्यावी.
पाणीपुरवठ्यासंबंधी कुठल्याही माहिती वा तक्रारींसाठी १८००२६६९८९९ वर संपर्क करावा.
