नागपूर : नागपूरच्या KIMS किंग्सवे हॉस्पिटलमधील 37 वर्षीय डॉक्टर सतीश चौरसिया यांनी मृत्यूनंतरही दोन रुग्णांचे प्राण वाचविले आहे. मूत्रपिंड निकामी झाल्यामुळे नियमित डायलिसिसवर असलेल्या डॉ. चौरसिया यांचे उपचारादरम्यान निधन झाले. त्यांच्यावर तीन दिवस आयसीयूमध्ये उचार करण्यात आले होते.
डॉक्टरांच्या निधनानंतर त्यांच्या पत्नी आणि कुटुंबीयांनी त्यांचे अवयव गरजू रुग्णांना दान करण्याचा निर्णय घेतला. मृत डॉक्टरचे हृदय पवईच्या डॉ एल एच हिरानंदानी हॉस्पिटलमधील प्रतीक्षा यादीतील रुग्ण असलेल्या ७० वर्षीय व्यक्तीला देण्यात आले. त्याच हॉस्पिटलमध्ये एका 50 वर्षीय व्यक्तीला यकृत वाटप करण्यात आले आणि प्रत्यारोपणाचे ऑपरेशन करण्यात आले.
Gold Rate
21 April 2025
इतके तर डॉक्टरचे कुटुंब फुफ्फुस दान करण्यास तयार होते. यानंतर सिकंदराबादच्या KIMS हॉस्पिटलमधील डॉक्टरांची एक टीम चार्टर्ड फ्लाइटने फुफ्फुस घेण्यासाठी आली होती. फुफ्फुस प्रत्यारोपणासाठी वैद्यकीयदृष्ट्या अयोग्य असल्याचे डॉक्टरांच्या निदर्शनास आले. KIMS किंग्सवे रुग्णालयातील डॉक्टरांनी सांगितले की डॉ सतीश हे त्यांच्याकडे असलेल्या सर्वोत्कृष्ट डॉक्टरांपैकी एक होते. त्यांनी कोरोनाच्या संकटात अनेक रुग्णांचे प्राण वाचविले. यासाठी त्यांना सर्वोत्कृष्ट डॉक्टरचा पुरस्कारही मिळाला आहे.
. त्यांच्या नातेवाईकांपैकी एक रेणू रोंगे म्हणाल्या, “डॉ. सतीश यांनी अवयवदान करण्याचे वचन दिले होते आणि त्यांची इच्छा पूर्ण झाल्याचा आम्हाला आनंद आहे. मृत्यूनंतरही त्यांनी ‘डॉक्टर’ म्हणून आपला व्यवसाय केला.झोनल ट्रान्सप्लांट कोऑर्डिनेशन सेंटर (ZTCC) नागपूरचे अध्यक्ष डॉ संजय कोलते म्हणाले की, DCP (वाहतूक) चेतना टिकडे यांच्या देखरेखीखाली किंग्सवे हॉस्पिटल ते विमानतळापर्यंत हृदय हलविण्यासाठी ग्रीन कॉरिडॉर तयार करण्यात आला आहे. रुग्णवाहिका चालक नितेश धकाते हे तीन उड्डाणपूल पार करून 6.13 मिनिटांत विमानतळावर पोहोचू शकले.
ZTCC नागपूरचे सचिव डॉ. राहुल सक्सेना यांनी सांगितले की, या वर्षातील हे सहावे मृत अवयवदान आहे. “२०१३ पासून नागपूर विभागातील हे १०१ वे मृत अवयवदान होते. हृदय मिळवणे आणि गरजू रुग्णापर्यंत पोहोचणे ही मोठी उपलब्धी असल्याचे सक्सेना म्हणाले.
