नवी दिल्ली : देशात बेस्ट बायर्स राज्य म्हणून महाराष्ट्राचा आज राजधानीत गौरव झाला. राज्याच्या औद्योगिक विभागाचे विकास आयुक्त डॉ. हर्षदीप कांबळे यांनी हा पुरस्कार स्वीकारला.
केंद्रीय वाणिज्य व उद्योग मंत्रालयाच्या वतीने आयोजित कार्यक्रमात देशात ‘गव्हर्नमेंट ई मार्केटप्लेस’ (जीइएम) चा प्रभावी वापर करून उल्लेखनीय कार्य करणाऱ्या राज्यांचा आज सन्मान करण्यात आला. यावेळी केंद्रीय वाणिज्य व उद्योग विभागाच्या सचिव रिता तेवतिया यांच्या हस्ते महाराष्ट्राला ‘बेस्ट बायर्स’ राज्याचा पुरस्कार प्रदान करण्यात आला, डॉ. हर्षदीप कांबळे यांनी हा पुरस्कार स्वीकारला.
Today’s Rate
Saturday 02 Nov. 2024
केंद्रीय वाणिज्य व उद्योग मंत्रालयाच्यावतीने ‘गव्हर्नमेंट इ मार्केटप्लेस’ (जीईएम) च्या माध्यमातून ऑनलाईन खरेदी व विक्रीसाठी विशेष मंच उपलब्ध करून देण्यात आला आहे. जीईएम च्या माध्यमातून देशातील सरकारी व गैरसरकारी संस्था खरेदी व विक्रीचे व्यवहार करतात. महाराष्ट्र राज्याच्या उद्योग विभागाने केंद्रीय वाणिज्य व उद्योग मंत्रालयासोबत जीईएम या सेवेसाठी सामंजस्य करार केला व या माध्यमातून झालेल्या खरेदी व्यवहारामुळे महाराष्ट्र देशात ‘बेस्ट बायर्स’ राज्य ठरले आहे. जीइएम या व्यवस्थेच्या माध्यमातून देशात उद्योग क्षेत्रातील खरेदी व विक्रीच्या व्यवहाराला गती आली आहे. तसेच, पादर्शक व्यवहारामुळे भ्रष्टाचाराला आळा बसला आहे.
