नागपूर : नागपुरात बुधवारी रात्री मुसळधार पावसाने हजेरी लावली. मात्र या पावसामुळे जनजीवन विस्कळीत झाल्याचे पाहायला मिळाले. पूर्व नागपुरात नागनदी भरल्याने शहरातील अनेक वस्त्यांमध्ये पाणी शिरले. अनेक झोपडपट्टींमध्ये पाणी शिरल्याने पहाटे तेथील नागरिकांना शाळेत आणि समाजभवनात हलविण्यात आले आहे. तसेच शहरातील अंबाझरी तलावही ओव्हर फ्लो झाला.
नंदनवन,भांडेवाडी ,पारडी, वाठोडा या भागांतील अनेक वस्त्यांमध्ये पाणी शिरल्याने नागरिकांची तारांबळ उडाली .
Gold Rate
Friday 07March 2025
वस्त्याच नाही तर शहरातील अनेक अपार्टमेंटमध्येही पाणी साचले. हवामान खात्याच्या अंदाजानुसार शहरात आजही मुसळधार पावसाची शक्यता आहे. हे पाहता काही शाळांना सुट्टी देण्यात आली आहे.
उत्तर नागपुरातील पिवळी नदीच्या काठावरील वस्तीही पाणीमय झाली होती. नागरिकांना गुडघाभर पाण्यातून जावे लागत आहे. महापालिकेच्या अग्निशमन विभागाला पहाटेपासूनच नागरिकांच्या तक्ररी येऊ लागल्या होत्या. याचे गांभीर्य लक्षात घेता महापालिकेची यंत्रणा कामाला लागली असून ठिकठिकाणी साचलेले पाणी काढण्याचे काम करण्यात येत आहे.
