नागपूर : मध्य प्रदेशच्या ग्वाल्हेर, येथे स्कूल गेम्स फेडरेशन ऑफ इंडिया द्वारे 67 व्या राष्ट्रीय शालेय हॉकी स्पर्धेचे २८ डिसेंबर पासून आयोजन करण्यात येत आहे. ही स्पर्धा 1 जानेवारीपर्यंत सुरु असेल.
या स्पर्धेत नागपूरच्या सार्थक वानखेडेची निवड करण्यात आली असून ही नागपूरकरांसाठी अभिमानाची बाब आहे. सार्थक हा नागपूरच्या मानकर आदर्श विद्यालय & ज्युनिअर कॉलेज येथी विद्यार्थी असून तो इयत्ता ११ व्या वर्गात ( विज्ञान शाखा) शिकतो. त्याच्या या यशाबद्दल महाविद्यालयाच्या प्राचार्या , श्रीमती जया मानकर व सर्व शिक्षक वृंद व त्याच्या आई- वडिलांनी कौतुक केले.
गेल्या वर्षी सार्थकने अंडर 16 मध्ये महाराष्ट्र संघाचे प्रतिनिधित्व केले होते , सार्थक इययता 9 वी पासून SAI हैद्राबाद मध्ये हॉकी चे ट्रेनिग घेत आहे. त्याच्या नियमित सरावामुळेच ही संधी चालून आली आहे.
