नागपूर: लोकसभेचे कामकाज सुरू असताना प्रेक्षक गॅलरीत बसलेल्या दोन तरुणांनी तिथून खाली उडी मारली. त्यानंतर ते एका बाकावरुन दुसऱ्या बाकावर उड्या मारत पळत होते. एकानं बूटातून स्प्रे काढला. त्यात पिवळ्या रंगाचा वायू होता. त्यानं स्प्रे मारल्यानंतर सदनात पिवळा धूर पसरला. या घटनेनंतर विधिमंडळ सुरक्षेतही वाढ करण्यात आली आहे. यापुढे प्रत्येक आमदाराला फक्त दोन प्रवेशिका देता येईल असा निर्णय विधानसभा अध्यक्षांनी दिला. पृथ्वीराज चव्हाण यांनी हा मुद्दा उपस्थित करीत सभागृहाचे लक्ष वेधले.
एका खासदाराने दिलेल्या व्हिजीटर पासेसवर हे तरूण प्रेक्षक दीर्घेत आले होते. असा प्रकार विधिमंडळातही घडू शकतो असे पृथ्वीराज चव्हाण यांनी लक्षात आणून दिलेे. तर विधिमंडळ परिसरात चालायलाही जागा नव्हती असे उपमुख्यमंत्री अजित पवार यांनी सांगितले. त्या नंतर प्रत्येक आमदाराला फक्त दोन प्रवेशिका देता येईल असा निर्णय अध्यक्षांनी दिला.