नागपूर, : सर्व कोळसा खाणीतील अनुसूचित जाती व जमातीच्या कर्मचाऱ्यांचे आरक्षण रोस्टर नियमित करुन अनुपालन अहवाल सादर करा. या सोबतच सर्व युनिटच्या ट्रेड युनियन व सिस्टा आणि एससी, एसटी व ओबीसी कर्मचारी युनियनच्या सदस्यासह सात कोळसा खाणीच्या संपर्क अधिकाऱ्यांना पुढील बैठकीस आमंत्रित करण्याचे निदेश महाराष्ट्र अनुसुचित जाती व जमाती आयोगाचे उपाध्यक्ष धर्मपाल मेश्राम यांनी संबंधितांना दिले.
Gold Rate
Monday 27 Jan. 2025
कोळसा खाणी बाबत आढावा बैठक रवी भवन येथे घेण्यात आली यावेळी महाप्रबंधक ए.के. सिंग, सुजीत सेन, उपमहाप्रबंधक आर. के. सिंग व कोळसा खाणीचे संपर्क अधिकारी अतुल बनसोड उपस्थित होते.
अनुसूचित जाती व जमातीच्या कर्मचा-यांसाठी खाणींच्या प्रशासनाने कोणत्या सुविधा उपलब्ध करुन दिल्या. आरोग्य विषयक कोणत्या उपाययोजना केल्या आहेत याबाबत सविस्तर माहिती श्री. मेश्राम यांनी घेतली, कोणत्याही अनुसूचित जाती व जमातीच्या कर्मचाऱ्यांवर अन्याय होणार नाही, आरक्षणाबाबत तक्रार येणार नाही, याबाबत दक्षता घ्या, अशा सूचना त्यांनी केल्या व खाणीमध्ये किती मागासवर्गीय कर्मचारी आहेत. तसेच कर्मचारी अंतर्गत भरती व सरळ भरती बाबत माहिती जाणून घेतली.
सर्व खाणीत ३२ हजार ४४३ कर्मचारी असून यात ६ हजार ४५२ अनुसूचित जाती व अनुचित जमातीचे १ हजार ६८८ कर्मचारी कार्यरत असून त्यांना नियमानुसार आरक्षण मिळावेत, असे त्यांनी सांगितले.
