वर्धा : समृद्धी महामार्गावरील येलाकेली नाक्याजवळ गुरे घेऊन जाणाऱ्या ट्रकला चालकाने आग लावल्याची धक्कादायक घटना समोर आली आहे. यात 15 जनावरे असल्याची माहिती आहे. पोलिसांच्या कारवाईपासून वाचण्यासाठी ट्रकचालकाने हे कृत्य केल्याची माहिती आहे.
माहितीनुसार, येलाकेली टोलनाक्याजवळून हा ट्रक जात होता. तेथे उपस्थित असलेल्या पोलिसांनी ट्रक थांबवण्यासाठी पुढे सरसावले.
Today’s Rate
Tuesday 05 Nov. 2024
मात्र वाहन चालकाने पोलिसांच्या दोन्ही वाहनांना धडक दिली आणि पुढे निघून गेला. दोन पोलिसांच्या वाहनांना धडक देऊन ट्रकचालक मुंबईच्या दिशेने पळत होता.
यानंतर चालकाने पुढे जाऊन विरूळजवळ ट्रकला आग लावून पुलगावच्या दिशेने पळ काढला.दुर्दैवाने ट्रकने पेट घेतल्याने सुमारे पाच ते सहा गुरे दगावल्याची माहिती आहे तर नऊ प्राण्यांची सुटका करण्यात आली आहे. एलसीबी पथकाच्या वाहनासह सेवाग्राम पोलीस ठाण्याच्या वाहनाचेही नुकसान झाले आहे.
