नागपूर: नववी-दहावीच्या विद्यार्थ्यांसोबत गैरवर्तन करणाऱ्या शिक्षकाला सदर पोलिसांनी अटक केली आहे.एसएमएस हायस्कूल अँड ज्युनियर कॉलेज मधील ही घटना असून संकल्प वीरेंद्र मेढा( वय 47 वर्ष रा. मेढा भवन 35 सेंट्रल रोड, नागपूर) असे अटक करण्यात आलेल्या आरोपी शिक्षकाचे नाव आहे.
माहितीनुसार,आरोपी शिक्षक हा नववी आणि दहावीच्या विद्यार्थ्यांना मानसिक आणि शारीरिक त्रास देत होता. विद्यार्थांशी अभद्र बोलणे त्यांना पाण्याच्या बॉटल्स आणि डस्टर फेकून मारणे, शिवीगाळ आणि धमकी देणे असे कृत्य तो करीत होता. विद्यार्थ्यांपासून तक्रारी प्राप्त झाल्यानंतर शाळेतील शिक्षकांनी तीन सदस्य समिती तयार करून आरोपी शिक्षक संकल्प मेढा याची चौकशी केली असता यात तो दोषी आढळला.यानंतर एस एम एस हायस्कूलचे प्राध्यापक सॅम्युएल कारावालिया यांनी दिलेल्या तक्रारनुसार सदर पोलिसांनी आरोपी शिक्षकाविरोधात गुन्हा दाखल केला असून त्याला अटक करत पुढील तपास सुरू केला आहे.
Today’s Rate
Tuesday 12 Nov. 2024
