नागपूर : शहरात बुलेट वाहनांना मोठ्या आवाजाचे सायलेन्सर लावून फटाके फोडणाऱ्या तरुणांच्या टोळीला वाहतूक पोलिसांनी 80 हजार रुपयांचा दंड ठोठावला.ही टोळी गेल्या अनेक दिवसांपासून शहरात धुमाकूळ घालत होती.
डीसीपी वाहतूक अर्चित चांडक यांना सोशल मीडियावरून ही तक्रार प्राप्त झाली.त्यांनी विभागाला कठोर कारवाई करण्याचे आदेश दिले,त्यानंतर या टोळीचा छडा लावण्यत पोलिसांना यश आले.
Today’s Rate
Friday 27 Sept. 2024
डीसीपी चांडक यांनी सांगितले की,तरुणांचा हा गट रोज बुलेट बाईकवरून रस्त्यावर फिरत असे.त्यांच्या बाईकवर मॉडिफाइड सायलेन्सर बसवण्यात आले होते.ज्याने भयानक आवाज तर होतोच फटाकेही फोडण्यात येते.
याबाबतची तक्रार इन्स्टाग्रामवर पोलिसांना मिळाली. प्रथम एमआयडीसी झोनला कारवाई करण्याच्या सूचना दिल्या होत्या. नंतर असे उघड झाले की हे तरुण वेगवेगळ्या भागातले होते पण ते गट करून हे काम करायचे, त्यामुळे इतर झोनही सक्रिय झाले. डीसीपी म्हणाले की, व्हिडिओमध्ये वाहनाची नंबर प्लेट दिसत नाही. एका तरुणाला पकडल्यानंतर त्याच्या सोशल मीडिया अकाउंटची झडती घेण्यात आली.
तरुणांनी इन्स्टावर त्यांचे अकाऊंट बनवले होते, ज्यामध्ये ५० ते ६० असेच व्हिडिओ पाहिले होते. पोलिसांनी प्रत्येक तरुणाची ओळख पटवून 15 बुलेट बाइक जप्त केल्या. सर्वांवर मॉडिफाइड सायलेन्सर लावण्यात आले होते. व्हिडिओमध्ये एकही तरुण हेल्मेट घातलेला दिसत नाही, त्याच्यावर रॅश ड्रायव्हिंगचा आरोप आहे, त्यामुळे मोटार वाहन कायद्याच्या विविध कलमांतर्गत चालानची कारवाई करण्यात आली.
