नागपूर : समृद्धी महामार्गावर सीआरपीएफ जवानांच्या वाहनाला भरधाव ट्रकने पाठीमागून धडक दिल्याची घटना घडली आहे. या घटनेत दोन जवानांचा मृत्यू झाला असून तिसरा गंभीर जखमी झाला आहे. गिरीष कुमार (४२, रा. केरळ) आणि मिठा तेजश्वरराव (३६, रा. आंध्रप्रदेश) अशी मृत जवानांची नावे आहेत. तर अब्दुल रफ असे जखमी जवानाचे नाव आहे.
बीड येथील निवडणूक बंदोबस्त आटपून गुरुवारी दुपारी गडचिरोलीकडे जाणाऱ्या केंद्रीय राखीव पोलीस दलाच्या वाहनाला भरधाव ट्रकने जोरदार धडक दिली. धामणगावजवळील समृध्दी महामार्गावर हा अपघात घडला.
Gold Rate
11 April 2025
ट्रकच्या धडकेत मिठा तेजश्वरराव या जवानाचा जागीच मृत्यू झाला, तर गिरीष कुमार आणि अब्दुल रफ गंभीर जखमी झाले होते.रूग्णवाहिकेच्या मदतीने जखमी जवानांना यवतमाळ येथील शासकीय रूग्णालयात उपचारार्थ दाखल करण्यात आले असून त्यांच्यावर उपचार सुरु आहे.
या घटनेची माहिती मिळताच जिल्हाधिकारी डॉ. पंकज आशिया, पोलीस अधीक्षक डॉ. पवन बन्सोड यांनी रूग्णालयात भेट देवून जखमी जवानांची चौकशी केली. शवविच्छेदनानंतर मृत जवानांचे शव नागपूर विमानतळावरून त्यांच्या मूळ गावी पाठविण्यात येणार असल्याची माहिती पोलीस अधीक्षक बन्सोड यांनी दिली आहे.
