Published On : Sun, Feb 25th, 2024
By Nagpur Today Nagpur News

व्हिडीओ; नागपूरच्या रामझुला येथे मर्सिडीजने चिरडून दोन तरुणांचा मृत्यू ,चालक महीलाविरोधात गुन्हा दाखल !

Advertisement

नागपूर: शहरात एका भीषण दुर्घटनेत दोन तरुणांचा मृत्यू झाल्याची धक्कादायक घटना घडली आहे.

मर्सिडीज कारने दुचाकीस्वार तरूणांना चिरडल्याने एकाचा जगीच मृत्यू झाला तर गंभीर जखमी झालेल्या त्यांच्या मित्राचा उपचारादरम्यान मृत्यू झाल्याची माहिती आहे. या घटनेच्या तक्रारीवरून पोलिसांनी आरोपी महिला चालकाविरोधात गुन्हा दाखल केला आहे.रितू दिनेश मालू (वय 39, रा. देशपांडे लेआउट) असे मृत तरुणाचे नाव आहे.

Gold Rate
Friday 28 March 2025
Gold 24 KT 89,400 /-
Gold 22 KT 83,100 /-
Silver / Kg 101,900 /-
Platinum 44,000 /-
Recommended rate for Nagpur sarafa Making charges minimum 13% and above

माधुरी शिशिर सारडा (३७, रा. वर्धमान नगर) आणि रितिका उर्फ रितू दिनेश मालू (३९, रा. देशपांडे लेआउट) या मर्सिडीज कारमधून (एमएच/४९/एएस/६११११) जात होत्या.

रविवारी पहाटे दीडच्या सुमारास मोहम्मद हुसेन गुलाम मुस्तफा (३४, रा. नालसाहब चौक) आणि मोहम्मद अतीक मोहम्मद झिया (३२, रा. जाफर नगर) हे दोघे त्यांच्या ॲक्टिव्हावरून रामझुला ओलांडत असताना भरधाव मर्सिडीजने कारने त्यांना धडक दिली. हुसेन आणि अतिक यांना तातडीने मेयो रुग्णालयात दाखल करण्यात आले.मात्र, रुग्णालयात पोहोचताच हुसेनला मृत घोषित करण्यात आले, तर अतिकची प्रकृती चिंताजनक होती. संध्याकाळी उपचारादरम्यान अतिकनेही अखेरचा श्वास घेतला.आरोपी चालकाविरुद्ध तहसील पोलिसांनी संबंधित कलमान्वये गुन्हा दाखल केला आहे. या घटनेचा पुढील तपास सुरू आहे.

Advertisement
Advertisement