– हिमाचल प्रदेशातील मंडी मतदारसंघातील भाजप खासदार कंगना रणावत आता केंद्र सरकारच्या एका प्रकल्पाच्या निषेधार्थ मैदानात उतरली आहे. नितीन गडकरी यांनी सहा महिन्यांपूर्वी हिमाचल प्रदेशातील कुल्लू येथील खरहाल व्हॅलीमध्ये बिजली महादेव रोपवेची घोषणा केली होती. मात्र आता कंगना राणौतने २७२ कोटींच्या या प्रकल्पाला विरोध करण्यास सुरुवात केली आहे.
ग्रामस्थांनी केला विरोध-
वास्तविक, बिजली महादेव मंदिराच्या रोपवेबाबत खरहाल आणि काशावरी खोऱ्यातील लोकांचा अनेक दिवसांपासून विरोध सुरू आहे. बिजली महादेव रोपवेच्या विरोधात ग्रामस्थांनी अनेकवेळा रस्त्यावर उतरून आंदोलन केले आहे.रोपवे बांधल्यामुळे त्यांच्या रोजगारावर मोठा परिणाम होणार आहे. यासोबतच रोप वेच्या बांधकामात अनेक झाडे कापली जाणार असल्याने पर्यावरणाचीही हानी होणार असल्याचे ग्रामस्थांचे म्हणणे आहे.
Gold Rate
15 dec 2025
खासदार कंगना रणावतचे म्हणणे काय?
या प्रकल्पाबाबत मी नितीन गडकरी यांची भेट घेतल्याचे कंगना राणौतने सांगितले. त्यांना या प्रकरणाची माहिती देण्यात आली आहे. आमच्या देवांना नको असेल तर हा प्रकल्प इथेच थांबवावा. मी पुन्हा नितीन गडकरींना भेटणार आहे. आपल्यासाठी आधुनिकीकरणापेक्षा आपल्या देवाचे आदेश अधिक महत्त्वाचे आहेत.
रोपवेद्वारे पर्यटकांना अवघ्या सात मिनिटांत बिजली महादेवापर्यंत पोहोचता येणार-
नितीन गडकरी यांनी हिमाचलमधील कुल्लू येथील मोहल नेचर पार्क येथे बिजली महादेव रोपवेची पायाभरणी केली होती. हा रोपवे दीड वर्षात बांधला जाणार आहे. या रोपवेच्या उभारणीमुळे एका दिवसात 36000 पर्यटक बिजली महादेवपर्यंत पोहोचतील आणि येथील पर्यटनालाही मोठा फायदा होणार असल्याचे सांगण्यात येत आहे.या रोपवेचे महत्त्व विशद करताना भाविकांना त्याचा मोठा उपयोग होईल, असा दावा करण्यात आला. सध्या पर्यटकांना 2 ते 3 तासांचा प्रवास करून बिजली महादेव येथे जावे लागते. मात्र रोपवेद्वारे पर्यटकांना अवघ्या सात मिनिटांत बिजली महादेवापर्यंत पोहोचता येणार आहे.
अवघ्या तासाभरात 1200 लोक पोहोचतील-
रोपवे बांधण्याचे काम करणाऱ्या नॅशनल हायवे लॉजिस्टिक मॅनेजमेंट लिमिटेडचे व्यवस्थापक अनिल सेन यांनी सांगितले होते की, बिजली महादेवचा हा रोपवे मोनो केबल रोपवे असेल आणि त्यात ५५ बॉक्स बसवले जातील. एका तासात 1200 लोकांना वाहून नेण्याची क्षमता असेल आणि नंतर ही क्षमता 1800 पर्यंत वाढवली जाईल.
बिजली महादेवाची माहिती –
बिजली महादेव मंदिर कुल्लू खोऱ्यातील काशवारी या सुंदर गावात वसलेले आहे. हे मंदिर 2460 मीटर उंचीवर आहे. हे भारतातील प्राचीन मंदिरांपैकी एक आहे आणि त्याच्या नावामागील कारण अतिशय अनोखे आहे. दर 12 वर्षांनी मंदिरात बसवलेल्या शिवलिंगावर वीज पडते आणि त्यानंतर शिवलिंगाचे तुकडे होतात असे म्हणतात. यानंतर पुजारी हे तुकडे गोळा करतात आणि त्यांना डाळीचे पीठ, धान्य आणि लोणी इत्यादींची पेस्ट घालून जोडतात. या मंदिराची महिमा खूप जास्त आहे, त्यामुळे देश-विदेशातून लोक येथे दर्शनासाठी येतात.
